جبتكلم جدولي عشان تعرفو متى انا فاضية ومتى انا مشغولة وكدا ..
عشان لمن اكون مشغولة لحد يكلمني ويطفشني ..
اول شي احنا كالعادة نبدأ قبل الناس بسنة
عندي السبت اختبار معمل في المات لاب
اكرهوو البرنامج دا مرا معفن!
اتشووووووو ..الحمدلله
بعدين عندي الاتنين تسليم بروجكت حق تشخيص امراض الشعر ..ومناقشتو
والبرنامج اللي لازم اشتغل عليه اسمو الاستا ..كمان مررررا معفن !
بعدين الثلاثاء عندي تقديم برزنتيشن و مناقشتو عن نظام هيئة الاغاثة ..دا مو مرة صعب
والاربعاء اختبار مادة تصميم نظم المعلومات ..شوية صعبة المادة
وفي الدوري الاول حليت وجبت 14 مدري 15 من 20 ..مدري الدوري دا كم حأجيب!
نجي الاسبوع اللي بعدو ..
الاتنين اخر موعد لتسليم الموقع اللي سويتو والتوثيق documention حقو ..ومعاه تسليم نقاط البحث حقت المادة ..الدكتورة دي تبغانا نسلمها كل شي ..لو بيدها نسويلها مجلدات عشان تنبسط!
ان شاء الله ازا رفعت الموقع على النت حأديكم اللينك تتفرجو عليه
وعندي في نفس الاسبوع دا اختبار ثقافة 4 بس مدري يوم ايش بالزبط !
اللي بعدو ابدأ الاتنين..يعني يوم 12 وانتهي يوم 19 يعني مو زي دايما اخر وحدا ..
بس ماعرف الجدول بالزبط ايش..
لمن اجيبو احكيكم
ادعولي طيب ؟!